जीवन र जोयाको पुनर्मिलनमा आङकामीको योगदान कस्तो थियो ?
फोटोहेरा डटकमका फोटोग्राफर शेर्पाले उनले आफ्नो फेसबुक म्यासेजमार्फत जोयालाई भिडियो च्याटमार्फत सोधेका थिए । त्यतिखेर जोयाले रुदै आफनो परिवारसग भेट्न चाहेको भनेर सुनाएका थिए । जोयाको आँखाबाट निस्केको आँशु र भावुक र दुखित स्वर सुनेपछि शेर्पाले तत्कालै पुर्नमिलन गरिदिने वचन दिएका थिए । त्यसपछि उनले जीवनसग पनि बुझेका थिए । जीवनले पनि आफु निर्दोष र गरिबीको कारण अन्यायमा पिसिएको भनेपछि उनले फेसबुकमार्फत सबैतिर सहयोग मागेका थिए । त्यसलगत्तै शेर्पाले नेपालमा आफना नातेदारलाई भनेर गृह मन्त्रालयमार्फत चितवन प्रहरी चौकीमा राखेको जीवनको नागरिकता र पासपोर्ट लिनेदेखि उनीहरुलाइ पुनर्मिलनको लागि लागी परेका छन् । उनीहरुकै लागि यतिखेर उनी आर्थिक संकलनमा जुटिरहेका छन् ।
उनले अहिलेसम्म करिब ५ हजार डलर संकलन गरिसकेको छन् । ‘म आफु पनि सानोमा टुहुरो भएर अन्यायमा परेर दुःख सम्झेर जीवन र जोयाको अन्याय देख्न नसकेर उनीहरुको सहयोगमा जुटेको छु ’ उनले भने, ‘जीवन गरिब भनेर संस्था र प्रशासनले हेपेको सुन्दा निकै दुःख लाग्यो ।’ उनकै पहलमा जीवनले चौकीले जफत गरेको पासपोर्ट र नागरिकता हात पारेका छन् । यतिखेर उनी जहाँ पुगेपनि जीवन र जोयाको सहयोगकै कुरा गर्छन् र सहयोग माग्दै हिडेको देख्दा अभिभावककै भुमिका निभाएको जस्तो लाग्छ । उनले जीवन र जोयाको पुर्नमिलनको बारेमा फेसबुकमार्फत राखेको भिडियो करिब दुई लाखले हेरिसकेको छ भने हजारौले कमेन्ट गरेका छन् ।
अाङकामी शेर्पा
‘ मलाई जसले जे भनेपनि म पनि पीडित हुँ म कसैले अन्याय भोगेको देख्न सक्दिनँ,’ उनले भने, ‘श्रीमान श्रीमतीबीच जसको पनि ससानो विवाद भइहाल्छ तर उनीहरुको विवादको फाइदा कसैले लिएर उनीहरुलाई अलग गर्नु पाप हो । म उनीहरुको नेपालमा पुर्नमिलन होस र सुखद जीवन बिताओस भनेर कामना गर्दछु ।’ उनीहरुको पुनर्मिलन लगत्तै संकलित रकम दिने भएको छ ।
अहिले जीवन थापा मगर र जोयाबीच फिलिपिन्समा भेट भइसकेको छ ।
0 comments
Write Down Your Responses